தீபவொளித் திருநாள்
தீபவொளித் திருநாள் - செல்லமே
தீபவொளித் திருநாள் !
ஆபத்து நீங்கிடவே - அருளொளி
ஆண்டிருக்கு மொருநாள் !
புத்துடை யோடணிகள் - புதுவண்ணம்
பூணும் வகைத்துணிகள் !
சத்துடை நல்மருந்துஞ் - சமைத்திடுஞ்
சங்கத் தமிழ்விருந்தும் !
அத்தனை யின்புறவே - அழகுடன்
அன்பர்கள் சூழ்ந்திடவே
இத்தரை மக்களெலாம் - இன்பமதை
ஈணும் வகைத்திருநாள் !
யாவருங் கூடிடவே - மதியத்தில்
யாழிசை பாடிடவே
நோவுத லேதுமின்றி - இனிப்புகள்
நூதன மாக்கிடவே !
மேவிடுங் காரவகை - இன்னும்பல
மேன்மை சமைத்திடவே
தாவிடு மன்புடனே - தீபவொளி
தன்னையுங் கண்டிடுவாய் !
உள்ளி னழுக்குகளு - மறிவற்ற
ஊறுடை எண்ணங்களும்
பள்ளத்திடை வெள்ளம் - போலவொளி
பாய மறையுமென்ற
விள்ளுங் கருத்தினையே - திறம்பட
விரித்துச் சொல்லுகின்ற
கொள்ளை யெழிற்றிருநாள் - நல்லமதி
கொண்டுகொண் டாடிடுவாய் !
-விவேக்பாரதி
29.10.2016
தீபவொளித் திருநாள் !
ஆபத்து நீங்கிடவே - அருளொளி
ஆண்டிருக்கு மொருநாள் !
புத்துடை யோடணிகள் - புதுவண்ணம்
பூணும் வகைத்துணிகள் !
சத்துடை நல்மருந்துஞ் - சமைத்திடுஞ்
சங்கத் தமிழ்விருந்தும் !
அத்தனை யின்புறவே - அழகுடன்
அன்பர்கள் சூழ்ந்திடவே
இத்தரை மக்களெலாம் - இன்பமதை
ஈணும் வகைத்திருநாள் !
யாவருங் கூடிடவே - மதியத்தில்
யாழிசை பாடிடவே
நோவுத லேதுமின்றி - இனிப்புகள்
நூதன மாக்கிடவே !
மேவிடுங் காரவகை - இன்னும்பல
மேன்மை சமைத்திடவே
தாவிடு மன்புடனே - தீபவொளி
தன்னையுங் கண்டிடுவாய் !
உள்ளி னழுக்குகளு - மறிவற்ற
ஊறுடை எண்ணங்களும்
பள்ளத்திடை வெள்ளம் - போலவொளி
பாய மறையுமென்ற
விள்ளுங் கருத்தினையே - திறம்பட
விரித்துச் சொல்லுகின்ற
கொள்ளை யெழிற்றிருநாள் - நல்லமதி
கொண்டுகொண் டாடிடுவாய் !
-விவேக்பாரதி
29.10.2016
