விவேக்பாரதி பக்கம்

சிவசிவ என்றால் சிந்தனை ஓங்கும்! ஜீவனுக் குள்ளே வானொளி தோன்றும்! கவலைகள் போகும்! கவிதைகள் நேரும்! கடவுளர்க் கடவுள்! கால்களைச் சூழ்வோம்! பிரம்படி பட்டான், அம்படி பட்டான், பித்திவ னென்றும் பேரினைப் பெற்றான், சிரமடி காணாச் சிவபெரு மானைச் சிந்தனை எங்கும் வந்தனை செய்வோம்! நஞ்சினை யுண்டான் நம்நலங் காக்க, நாகம ணிந்தான் நம்பயம் போக்க, மஞ்சுநி றத்தாள் மங்கையை மேலே மாண்புற வைத்தான் மலரடி பணிவோம்! கங்கையைக் கொண்டான் கார்சடை கொண்டான் கனன்றிடும் நெருப்பைக் கைகளிற் கொண்டான் திங்களைக் கொண்டான் திசைகளைக் கொண்டான் தீவிழி யானின் திண்கழல் புகுவோம்! ஒருமுகம் செய்தால் அவன்முகம் தெரியும் அகமுகம் எங்கும் அருள்முகம் விரியும் திருமுக ஜாலம் தினமொரு கோலம் தீண்டமி ழானைத் தினம்பணி வோமே! -விவேக்பாரதி 06.10.2018 படம் : மயிலை கபாலீஸ்வரன்

சிவசிவ என்றால் சிந்தனை ஓங்கும்! ஜீவனுக் குள்ளே வானொளி தோன்றும்! கவலைகள் போகும்! கவிதைகள் நேரும்! கடவுளர்க் கடவுள்! கால்களைச் சூழ்வோம்! பிரம்படி பட்டான், அம்படி பட்டான், பித்திவ னென்றும் பேரினைப் பெற்றான், சிரமடி காணாச் சிவபெரு மானைச் சிந்தனை எங்கும் வந்தனை செய்வோம்! நஞ்சினை யுண்டான் நம்நலங் காக்க, நாகம ணிந்தான் நம்பயம் போக்க, மஞ்சுநி றத்தாள் மங்கையை மேலே மாண்புற வைத்தான் மலரடி பணிவோம்! கங்கையைக் கொண்டான் கார்சடை கொண்டான் கனன்றிடும் நெருப்பைக் கைகளிற் கொண்டான் திங்களைக் கொண்டான் திசைகளைக் கொண்டான் தீவிழி யானின் திண்கழல் புகுவோம்! ஒருமுகம் செய்தால் அவன்முகம் தெரியும் அகமுகம் எங்கும் அருள்முகம் விரியும் திருமுக ஜாலம் தினமொரு கோலம் தீண்டமி ழானைத் தினம்பணி வோமே! -விவேக்பாரதி 06.10.2018 படம் : மயிலை கபாலீஸ்வரன்

அகிம்சையால் நமை உயர்த்தி     அகிலமே வியந்து போற்றும் தகைமையைத் தந்த நல்லர்     தலைவனும் தொண்டன் என்ற மிகவுயர்வான எண்ணம்     மிழற்றிட வாழ்ந்த பண்பர் மகிமைகள் நிறைந்த எங்கள்     மகாத்துமா காந்தி போற்றி!!  -விவேக்பாரதி 02.10.2018

அகிம்சையால் நமை உயர்த்தி     அகிலமே வியந்து போற்றும் தகைமையைத் தந்த நல்லர்     தலைவனும் தொண்டன் என்ற மிகவுயர்வான எண்ணம்     மிழற்றிட வாழ்ந்த பண்பர் மகிமைகள் நிறைந்த எங்கள்     மகாத்துமா காந்தி போற்றி!!  -விவேக்பாரதி 02.10.2018

ஆசை உருவாகும் அச்சம் நமைச்சாய்க்கும் பாசம் தொடந்து பரிகசிக்கும் - வாசமெனுங் குன்றுவந்து முன்னே குழைந்தாலும் என்னெஞ்சே என்றும் நிலையாய் இரு! பொன்னாடை மாறும் புகழ்மாலை தாம்மாறும் சொன்மாலை மாறும் சுகம்மாறும் - என்றைக்கும் ஒன்று நிலையாம் ஒழுக்கமாம் நன்னெஞ்சே என்றும் நிலையாய் இரு! கூட்டம் தொடர்ந்திருக்கும் கூப்பிட்டால் தான்தெரியும் ஈட்டம் எவரால் எனும்செய்தி - வாட்டத்தில் குன்றும் மனமிகவும் குற்றமடா நன்னெஞ்சே என்றும் நிலையாய் இரு! காலைச் சிவப்பொளிபோல் காட்சி அழகெல்லாம் காலம் கனிந்தால் கரைந்துவிடும் - காலமே நன்றும் நலிவும் நமக்கியற்றும் நன்னெஞ்சே என்றும் நிலையாய் இரு! வேதாந்த தத்துவம் வேகப் புரட்சிகள் சேதார மில்லாச் செழுங்காதல் - தோதாக நின்றாலும் சென்றாலும் நீமட்டும் நன்னெஞ்சே என்றும் நிலையாய் இரு! -விவேக்பாரதி 29.09.2018 படம் : Linda Paul studio

ஆசை உருவாகும் அச்சம் நமைச்சாய்க்கும் பாசம் தொடந்து பரிகசிக்கும் - வாசமெனுங் குன்றுவந்து முன்னே குழைந்தாலும் என்னெஞ்சே என்றும் நிலையாய் இரு! பொன்னாடை மாறும் புகழ்மாலை தாம்மாறும் சொன்மாலை மாறும் சுகம்மாறும் - என்றைக்கும் ஒன்று நிலையாம் ஒழுக்கமாம் நன்னெஞ்சே என்றும் நிலையாய் இரு! கூட்டம் தொடர்ந்திருக்கும் கூப்பிட்டால் தான்தெரியும் ஈட்டம் எவரால் எனும்செய்தி - வாட்டத்தில் குன்றும் மனமிகவும் குற்றமடா நன்னெஞ்சே என்றும் நிலையாய் இரு! காலைச் சிவப்பொளிபோல் காட்சி அழகெல்லாம் காலம் கனிந்தால் கரைந்துவிடும் - காலமே நன்றும் நலிவும் நமக்கியற்றும் நன்னெஞ்சே என்றும் நிலையாய் இரு! வேதாந்த தத்துவம் வேகப் புரட்சிகள் சேதார மில்லாச் செழுங்காதல் - தோதாக நின்றாலும் சென்றாலும் நீமட்டும் நன்னெஞ்சே என்றும் நிலையாய் இரு! -விவேக்பாரதி 29.09.2018 படம் : Linda Paul studio