Posts

Showing posts from February, 2021

இற்றைத் திங்கள் என்னைப் பற்றி

Image
தமிழ்க்குதிர் மின்னிதழ் மாதம்தோறும் இலக்கியத்தில் சிறந்து விளங்கும் ஒருவரை சிறப்பித்து, அறிமுகம் செய்து வருகிறது. அதன் வரிசையில் இந்தச் சின்னக் கன்றும் இணைந்துள்ளது. இதோ என்னைப் பற்றி பைந்தமிழ்ச் சோலை இலக்கிய பேரவையின் தமிழ்க்குதிர் மின்னிதழில்  இற்றைத் திங்கள் இவரைப் பற்றி - கட்டுரை  வாய்ப்புக்கு மிக்க நன்றி மரபு மாமணி பாவலர் மா.வரதராசன், சியாமளா ராஜசேகர்  மற்றும் தமிழ்க்குதிர் ஆசிரியர் குழு. 

சவாலும் சமாளிப்பும்

Image
பைந்தமிழ்ச் சோலை முகநூல் குழுவில் ஒரு சவால் விடப்பட்டிருந்தது. நீண்ட நாட்களாக எப்போது பொழியும் என்று சூல்கொண்டிருந்த என் கவிதா மேகத்தை அது குளிர்த்த, ஒரு வெண்பா பிறந்தது. சவால் இதுதான். “முட்டை, கறி, கருவாடு, மீன்” ஆகிய சொற்களைக் கொண்டு வெண்பா எழுத வேண்டும். ஆனால், அவை நேரடியான பொருள்களைக் குறிக்கக் கூடாது.  இதோ அந்த வெண்பா  முட்டை சுரத்தில் முகமீன் நினைவுகொண்(டு) இட்டேன் நடையையென் ஏந்திழையே - ஒட்டிக்  கருவாடு சேய்க்குக் கறிமுக் கடுக  மருந்தோடு சேர்வேன் வழி!  முட்டை - முள் தை  சுரம் - பாலைவனம்  முகமீன் - முகத்தில் மின்னும் விண்மீனான கண்கள்  கருவாடு சேய் - கருவில் ஆடக்கூடிய குழந்தை  கறி - மிளகு  முக்கடுகம் - சுக்கு, மிளகு, திப்பிலி கலந்த திரிகடுக மருந்து.  அதாவது, முள் தைக்கும் கொடும் பாலை வனத்தில், உனது முகத்தில் மின்னும் நட்சத்திரமான கண்களை மட்டும் நினைத்துக்கொண்டு, நான் நடையிட்டேன். எனது ஏந்திழையே! நீ உனது உடலோடு ஒட்டி, உன்றன் வயிற்றில் தங்கும் கருவாக ஆடும் நமது சேயை நீ கவனத்தோடு பார்த்துக்கொள்! அவனுக்கேற்ற மிளகு முதலிய முக்கடுக மருந்துகளைக் கொண்டு, அவனது ஆரோக்கியமே எனது தலையாய கடனாக

என் தோரண வாயில்

Image
அன்பு ரசிகாவுக்கு,  சொற்கள் என்னைக் கூட்டிப் போகும்       சுந்தரப் பாதையிலே - நான்  தொட்டதை எல்லாம் அனுபவ மாகச்       சொடுக்கிப் போடுகிறேன்!  கற்கள் சிதறி விழுவது போலவை      காலத்து வீதியிலே - சிறு  கவிதைக ளாகி பாடல்களாகி       கழன்று விழுகிறதே!  ஆளறியாத மாய வெளிக்குள்       அகழ்ந்து போகையிலே - மனம்  ஆனந்தம் எனும் முகில்மேல் ஏறி       அளந்து பார்க்கையிலே, தோளறியாமல் சிறகு முளைக்க       தொடுவான் தொடுகின்றேன் - அதில்  தோன்றிய வண்ணம் குழைத்துக் கவிதை       தோறும் இழைக்கின்றேன்!  என்  தோரண வாயில் இதுதான், உன்னை       தொடக்க அழைக்கின்றேன்!!  –விவேக்பாரதி 15.02.2021